இலங்கையின் 75 வது சுதந்திர தினத்தை சிறப்பிக்கும் முகமாக சினேகபூர்வ T-20 கிரிக்கெட் போட்டி

இலங்கையின் 75 வது சுதந்திர தினத்தை சிறப்பிக்கும் முகமாக வடமாகாண மற்றும் வடமத்திய மாகாண இளையோர் அணிகளுக்கிடையிலான சினேகபூர்வ T-20 கிரிக்கெட் போட்டி 12.02.2023 ஆம் திகதி ஞாயிற்றுக்கிழமை நடைபெற்றது.

இந்நிகழ்வு வடக்கு மாகாண பிரதம செயலாளர் அலுவலகம், வடமாகாண விளையாட்டுத் திணைக்களம் மற்றும் இலங்கை கிரிக்கெட் சங்கம் ஆகியவற்றின் ஏற்பாட்டில் இந்த போட்டி ஒழுங்கமைக்கப்பட்டிருந்தது.

காலை 9.30 மணியளவில் ஆரம்பமான குறித்த போட்டிக்கு வடக்கு மாகாண கௌரவ ஆளுநர் ஜீவன் தியாகராஜா பிரதம விருந்தினராக கலந்து கொண்டு ஆரம்பித்து வைத்தார்.

நாணய சுழற்சியில் வெற்றிபெற்ற யாழ்.மாவட்ட அணி முதலில் துடுப்பெடுத்தாட தீர்மானித்தது. இதன்படி 20 ஓவர்கள் நிறைவில் 9 விக்கெட்டுக்களை இழந்து 133 ஓட்டங்ளைப் பெற்றது.

யாழ்ப்பாண அணி சார்பாக அணித்தலைவர் டிலக்சன் 38 ஓட்டங்களையும், வினோஜன் 31 ஒட்டங்களையும், கஜானன் 16 ஓட்டங்களையும் அதிகபட்சமாக பெற்றுக்கொடுத்தனர். பந்துவீச்சில் தம்புள்ள அணி சார்பில் சந்திஜ மற்றும் சங்கல்ப தலா 3 விக்கெட்டுக்களை அதிகசட்சமாக கைப்பற்றினா;.

134 என்ற வெற்றி இலக்கை நோக்கி பதிலுக்கு துடுப்பெடுத்தாடிய தம்புள்ள அணி 19.1 பந்துப்பரிமாற்றத்தில் அனைத்து விக்கெட்டுக்களையும் இழந்து 121 ஓட்டங்களை மாத்திரம் பெற்றுக்கொண்டது. இதனால் 11 ஓட்டங்களால் யாழ்ப்பாண அணி வெற்றிபெற்றது.

தம்புள்ள அணி சார்பாக ஹரித்த 25 ஓட்டங்களையூம் ஷியாட் 20 ஓட்டங்களையும் அதிகபட்சமாக பெற்றுக்கொடுத்தனர்.

பந்துவீச்சில் யாழ்ப்பாண அணி சார்பில் கவிசன் 3 விக்கெட்டுகளையும், சரன் மற்றும் மதுசன் தலா 02 விக்கெட்டுக்களையும் அதிகபட்சமாக கைப்பற்றினர்.

போட்டியின் சிறந்த வீரனாக யாழ்ப்பாண அணித்தலைவர் டிலக்சன் தெரிவு செய்யப்பட்டார்.

இந்த விளையாட்டு நிகழ்வில் வடக்கு மாகாண பிரதம செயலாளர் திரு.சமன் பந்துலசேன, வடக்கு மாகாண கல்வி அமைச்சின் செயலாளர் திருஅ.உமாமகேஸ்வரன் வடக்கு மாகாண விளையாட்டுத் திணைக்களத்தின் பணிப்பாளர் திரு.பா.முகுந்தன், வடக்கு மாகாண உள்ளுராட்சி அமைச்சின் செயலாளர், வடக்கு மாகாண திணைக்களங்களின் தலைவர்கள், மாவட்ட விளையாட்டு உத்தியோகத்தர்கள் அதிபர்கள் பாடசாலை மாணவர்கள் கிரிக்கெட் சங்க உறுப்பினர்கள், உள்ளிட்டவர்கள் கலந்து சிறப்பித்திருந்தமை குறிப்பிடத்தக்கது.

 

 

 

கற்பித்தல் பற்றிய தேசிய போதனாவியல் டிப்ளோமாதாரர்களை மாகாண அரசாங்க சேவையின் கீழ் ஆசிரியர்களாக ஆட்சேர்ப்புச் செய்தல் (2018–2020) - (2023)

 

தேசிய கல்வியியற் கல்லூரிகளில் கற்பித்தல் தொடர்பான தேசிய போதனாவியல் டிப்ளோமாவினை வெற்றிகரமாகப் பூர்த்திசெய்து வெளியேறியவர்களில் மத்திய கல்வி அமைச்சினால் வட மாகாண பாடசாலைகளுக்கு ஆசிரியர்களாக நியமனம் செய்யப்படுவதற்கு தெரிவு செய்யப்பட்டவர்களின் விபரங்கள் வட மாகாண கல்வி அமைச்சிற்கு கிடைக்கப்பெற்றுள்ளன.

அவ்வாறு வட மாகாண சபையின் கீழுள்ள பாடசாலைகளுக்கு நியமனத்திற்காக தெரிவுசெய்யப்பட்டவர்களின் விபரங்களை இங்கு பார்வையிட முடியும்.

தெரிவு செய்யப்பட்டவர்களுக்கான நியமனக் கடிதங்களை தயாரிப்பதற்கு ஏதுவாக 27.05.2023 ஆம் திகதி சனிக்கிழமை செம்மணி வீதி, நல்லூர், யாழ்ப்பாணத்தில் அமைந்துள்ள வட மாகாண கல்வி அமைச்சில் ஆவணங்கள் சேகரிப்பதற்கான நேர்முகப்பரீட்சை நடைபெறவுள்ளதனால் இணையத்தளத்தில் குறிப்பிடப்பட்டுள்ள நேர ஒழுங்கிற்கமைவாக கீழ்வரும் ஆவணங்களுடன் வருகை தருமாறு கேட்டுக்கொள்கின்றேன்.

  1. தேசிய அடையாள அட்டை மற்றும் தேசிய அடையாள அட்டையின் உறுதிப்படுத்தப்பட்ட பிரதி.
  2. பிறப்புப் பதிவுச் சான்றிதழ்.
  3. பூரணப்படுத்தப்பட்ட தகவல் படிவம். (இணையத்தளத்தில் பிரசுரிக்கப்பட்டுள்ளது)
  4. விவாகச் சான்றிதழ் (திருமணமான பெண்கள் மட்டும் சமர்ப்பித்தல் வேண்டும்)

 

மேலதிக தகவல்களுக்கு :-       

 

திரு.சி.சுரேந்திரன் (077-5913125)

உதவிச் செயலாளர்,

கல்வி அமைச்சு,

வடக்கு மாகாணம்.

 

இணைப்புகள்

 

 

 

Secretary

Mr. A. Umamaheswaran
Secretary of Education, Cultural Affairs, Sports and Youth Affairs

Education Ministry Office,
Chemmany Road, Nallur, Jaffna, Sri Lanka

Tel:+94-21-221 9259
Fax: +94-21-222 0794
Mobile: 071 447 1128

Email:
arul.umamahes72@gmail.com
npmoese@gmail.com

Vehicle Pass

June 2023
Mon Tue Wed Thu Fri Sat Sun
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
Carrier Guide Book